آن لائن امتحانات ، چیئرمین ایچ ای سی نے وفاقی یونیورسٹیوں کے وائس چانسلرزکو طلب کرلیا

تفصیلات کے مطابق آن لائن امتحانات کے معاملے پر چیئرمین ہائی ایجوکیشن کمیشن طارق بنوری نے وفاقی یونیورسٹیوں کےوائس چانسلرزکوطلب کرلیا، اجلاس کی صدارت چئیرمین ایچ ای سی طارق بنوری کریں گے جبکہ وائس چانسلرزوڈیولنک کےذریعےاجلاس میں شریک ہوں گے۔

3

اسلام آباد : ہائی ایجوکیشن کمیشن کے چیئرمین طارق بنوری نے آن لائن امتحانات کے معاملے پر وفاقی یونیورسٹیوں کےوائس چانسلرزکوطلب کرلیا ہے۔

تفصیلات کے مطابق آن لائن امتحانات کے معاملے پر چیئرمین ہائی ایجوکیشن کمیشن طارق بنوری نے وفاقی یونیورسٹیوں کےوائس چانسلرزکوطلب کرلیا، اجلاس کی صدارت چئیرمین ایچ ای سی طارق بنوری کریں گے جبکہ وائس چانسلرزوڈیولنک کےذریعےاجلاس میں شریک ہوں گے۔

ون پوائنٹ ایجنڈااجلاس آج 3 بجے ہوگا، طارق بنوری کا کہنا ہے کہ میٹنگ کا ایجنڈا امتحانات کے انتظام کیلئےقابل عمل اختیارات تیارکرناہے، وائس چانسلرز سے باقاعدگی سےمشورہ کرتے رہے ہیں۔

یاد رہے وفاقی وزیر تعلیم شفقت محمود نے آن لائن امتحانات کیلئے طلبا کے احتجاج کے حوالے سے اپنے پیغام میں کہا تھا کہ کچھ یونیورسٹیوں کےطلبہ آن لائن امتحانات کیلئےاحتجاج کررہےہیں، امتحانات کے حوالے سے فیصلہ یونیورسٹیز نے کرنا ہے، ایچ ای سی کو یونیورسٹیز کے وائس چانسلرزسے رابطے کا کہا ہے، وی سیز دیکھیں اس سال مخصوص حالات میں ممکن ہے تو آن لائن امتحانات کرالیں۔

شفقت محمود کا کہنا تھا کہ یونیورسٹیزکودیکھناہےان کےپاس امتحان لینےکی صلاحیت بھی ہےیانہیں، یقینی بنایاجائےآن لائن امتحانات کو گریڈ لینے کیلئے غلط استعمال نہ کیاجائے ، اچھے سوالنامے کی تیاری اہم ہے۔

خیال رہے ملک کے مختلف شہروں میں ہزاروں کی تعداد میں طالب علم آن لائن امتحانات کا مطالبہ کررہے ہیں اور سراپا احتجاج ہے، طلبا کا کہنا ہے کہ امتحان کوآن لائن کیا جائے مطالبات نہ مانےتواحتجاج جاری رہےگا، کوروناوائرس کی وجہ سے کلاسزبند اور تعلیم متاثرہوئی۔

تبصرے