راحت فتح علی کی آواز میں کشمیر پریمیئر لیگ کا ترانہ ‘آزادی’ ریلیز

کشمیر پریمیئر لیگ کا ترانہ 'آزادی' گلوکار عالمی شہرت یافتہ گلوکار و موسیقار استاد راحت فتح علی خان نے گایا ہے۔

0 7

Get real time updates directly on you device, subscribe now.

پاکستان سپر لیگ(پی ایس ایل) کی بھرپور کامیابی کے بعد رواں برس آزاد کشمیر میں کشمیر پریمیئر لیگ(کے پی ایل) کا انعقاد کیا جارہا ہے جس کا آفیشل ترانہ ‘آزادی’ ریلیز کردیا گیا ہے۔

کشمیر پریمیئر لیگ کا ترانہ ‘آزادی’ گلوکار عالمی شہرت یافتہ گلوکار و موسیقار استاد راحت فتح علی خان نے گایا ہے۔

اس ترانے کی ہدایات پاکستان کے نامور اداکار اور کشمیر پریمیئر لیگ کے شوبز ایمبیسڈر شان شاہد نے دی ہیں۔

 
—اسکرین شاٹ

ترانے کا آغاز آزاد کشمیر کے برف پوش پہاڑوں سے ہوتا ہے جس میں مظفرآباد کرکٹ گراؤنڈ بھی دکھایا گیا ہے جہاں کے پی ایل کے میچز کھیلے جائیں گے۔

کشمیر پریمیئر لیگ کے ترانے میں ملک بھر سے تعلق رکھنے والی نامور شوبز شخصیات شان شاہد، راحت فتح علی خان ندیم بیگ، مہوش حیات، ایمان علی، فضا علی، جگن کاظم، عائشہ، صاحباں، جان ریمبو، گل پرنا اور نیلم منیر شامل ہیں۔

‘آزادی’ ترانے کی ویڈیو میں کرکٹر شاہد آفریدی، سوئنگ کے سلطان وسیم اکرم، عمران نذیر بھی موجود ہیں۔

https://www.facebook.com/kpl20official/videos/250211716561263/

علاوہ ازیں اسکواش کے سابق ورلڈ چیمپئن جہانگیر خان، اسپورٹس اینکر مرزا اقبال بیگ، ریسلرز انعام بٹ اور شفیق چشتی، ہاکی کے کھلاڑی سمیع اللہ اور باکسر محمد وسیم بھی اس ترانے کا حصہ ہیں۔

اس کے ساتھ ہی ترانے میں دکھائی گئی کشمیر پریمیئر لیگ کی ٹی شرٹس پر پاکستان اور آزاد کشمیر دونوں کا جھنڈا بھی موجود ہے۔

خیال رہے کہ کے پی ایل، آزاد کشمیر میں قومی اور بین الاقوامی سطح پر ہونے والا پہلا میگا کرکٹ ایونٹ ہے۔

—اسکرین شاٹ

کشمیر پریمیئر لیگ کا سلوگن ‘کشمیر پریمئیر لیگ۔۔۔ کھیلو آزادی سے’ سے ہے اور قومی کرکٹ ٹیم کے سابق کپتان اور مایہ ناز آل راؤنڈر شاہد خان آفریدی اس کے برانڈ ایمبیسیڈر ہیں۔

علاوہ ازیں اداکار شان شاہد کشمیر پریمیئر لیگ کے شوبز ایمبسیڈر ہیں جبکہ راحت فتح علی خان لیگ کے آفیشل گلوکار ہیں۔

کشمیرپریمیئر لیگ 16 سے27 مئی تک آزاد کشمیر کے دارالحکومت مظفرآباد میں کھیلی جائے گی۔

https://youtu.be/Pds9_Zhmw9c

کے پی ایل 6 ٹیموں پر مشتمل ہوگی جن میں راولا ہاکس، کوٹلی پینتھرز، میرپور رائلز، مظفرآباد ٹائیگرز، اوورسیز واریئرز اور باغ اسٹالینز شامل ہیں۔

کشمیر پریمیئر لیگ کے میچز راولپنڈی کرکٹ گراؤنڈ، مظفرآباد کرکٹ گراؤنڈ اور میرپور کرکٹ گراؤنڈ میں کھیلے جائیں گے۔

Get real time updates directly on you device, subscribe now.

جواب چھوڑیں

آپ کا ای میل ایڈریس شائع نہیں کیا جائے گا.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy