براڈشیٹ کیساتھ سرے محل اور حدیبیہ پیپر ملز کیس کی بھی تحقیقات ہوں گی، وزیراعظم

تفصیلات کے مطابق وزیراعظم عمران خان کی زیرصدارت حکومتی پارلیمانی پارٹی کا اجلاس ہوا ، اجلاس میں ارکان اسمبلی نے بڑھتے ہوئے قرضوں سے متعلق سوالات کرتے ہوئے کہا میڈیا کہتا ہے حکومت نے پہلے سےزیادہ قرضے لئے۔

3

اسلام آباد: وزیراعظم عمران خان کا کہنا ہے کہ برادشیٹ معاملے پر کمیشن بنا دیا ہے، براڈشیٹ کیساتھ سرےمحل ،حدیبیہ پیپرملزکیس کی بھی تحقیقات ہوں گی۔

تفصیلات کے مطابق وزیراعظم عمران خان کی زیرصدارت حکومتی پارلیمانی پارٹی کا اجلاس ہوا ، اجلاس میں ارکان اسمبلی نے بڑھتے ہوئے قرضوں سے متعلق سوالات کرتے ہوئے کہا میڈیا کہتا ہے حکومت نے پہلے سےزیادہ قرضے لئے۔

مشیر خزانہ عبدالحفیظ شیخ نے قرضوں کی تفصیلات سے آگاہ کیا ، وزیراعظم عمران خان نے پارلیمانی پارٹی اجلاس میں گفتگو کرتے ہوئے کہا کہ پی ڈی ایم عملی طور پر ختم ہو چکی ہے، انہوں نے جلسوں پر پورا زور لگاکردیکھ لیا عوام ساتھ نہیں۔

عمران خان کا کہنا تھا کہ یہ الیکشن کمیشن میں ہمیں پھنساناچاہتےتھےخودپھنس گئے، آپ بے فکر رہیں، اپوزیشن ہمارے لیے کوئی مسئلہ نہیں، تمام لوگ مل کر احساس پروگرام پر پورا زور لگائیں۔

وزیراعظم نے ہدایت کی کہ ارکان پارلیمنٹ شیلٹر ہومز کے دورے کریں اور غریبوں کوسہولتیں دیں، غریب کا احساس کریں گے تو باقی معاملات بھی ٹھیک ہوں گے۔

ان کا مزید کہنا تھا کہ برادشیٹ معاملے پر کمیشن بنا دیا ہے، براڈشیٹ کیساتھ سرےمحل ،حدیبیہ پیپرملزکیس کی بھی تحقیقات ہوں گی۔

تبصرے