ہر پاکستانی کو وزیر اعظم عمران خان کے خطاب پر فخر ہے: عاصم سلیم باجوہ

0 33

Get real time updates directly on you device, subscribe now.

وزیراعظم عمران خان کے معاون خصوصی برائے اطلاعات و نشریات اور چیئرمین سی پیک اتھارٹی لیفٹیننٹ جنرل (ر) عاصم سلیم باجوہ کا کہنا ہے کہ اقوام متحدہ جنرل اسمبلی میں عمران خان کے جامع خطاب پر ہر پاکستانی کو فخر ہے۔

سوشل میڈیا سائٹ ٹوئٹر پر عمران خان کی تصویر شیئر کرتے ہوئے عاصم باجوہ نے لکھا کہ عمران خان نے اقوام متحدہ جنرل اسمبلی سے جامع خطاب کیا۔

انہوں نے لکھا کہ ’عمران خان کے اقوام متحدہ جنرل اسمبلی سے بہترین خطاب پر ہر پاکستانی کو فخر ہے، وزیراعظم نے حقیقی معنوں میں پاکستان کی ترجمانی کی۔‘

چیئرمین سی پیک اتھارٹی نے کہا کہ عمران خان نے اپنے خطاب میں کشمیر، فلسطین اور علاقائی امن پر دو ٹوک موقف پیش کیا اور عوام کو غربت سے نکالنے کا عہد کیا۔

عاصم باجوہ نے یہ بھی لکھا کہ ’وزیراعظم عمران خان نے کسی بھی مہم جوئی کی صورت بھارت کوسنگین نتائج کا انتباہ کیا۔‘

چیئرمین سی پیک اتھارٹی عاصم سلیم باجوہ نے یہ بھی  لکھا کہ وزیراعظم کی تقریرمیں سراہنے کیلئے بہت کچھ تھا۔

خیال رہے کہ وزیر اعظم عمران خان نے اقوام متحدہ کی جنرل اسمبلی کے 75 ویں سالانہ اجلاس سے ورچوئل خطاب میں کہا کہ بھارت غیر قانونی اور یکطرفہ طور پر مقبوضہ علاقوں کی حیثیت تبدیل کرکے مقبوضہ کشمیر میں اپنے مظالم سے توجہ ہٹانے کی کوشش کر رہا ہے۔

عمران خان نے کہا کہ کنٹرول لائن اور ورکنگ باؤنڈری پر بھارتی اشتعال انگیزی اور خلاف ورزیوں کے باوجود ضبط کا مظاہرہ کر رہے ہیں، مسئلہ کشمیر کے حل تک جنوبی ایشیا میں پائیدار امن نہیں ہوسکتا۔

Get real time updates directly on you device, subscribe now.

جواب چھوڑیں

آپ کا ای میل ایڈریس شائع نہیں کیا جائے گا.

Comment moderation is enabled. Your comment may take some time to appear.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy