خوشاب: ضمنی انتخاب میں مسلم لیگ (ن) 73 ہزار سے زائد ووٹس لے کر کامیاب

الیکشن کمیشن آف پاکستان کے جاری کرہ غیر حتمی نتیجے کے مطابق گزشتہ روز ہوئے انتخاب میں پاکستان تحریک انصاف (پی ٹی آئی) کے علی حسین خان 62 ہزار 903 ووٹ لے کر دوسرے نمبر پر رہے۔

0 10

Get real time updates directly on you device, subscribe now.

پنجاب اسمبلی کے حلقہ پی پی- 84 خوشاب 3 پر ہوئے ضمنی انتخاب میں مسلم لیگ (ن) کے امیدوار محمد معظم شیر 73 ہزار 81 ووٹ حاصل کر کے کامیاب رہے۔

الیکشن کمیشن آف پاکستان کے جاری کرہ غیر حتمی نتیجے کے مطابق گزشتہ روز ہوئے انتخاب میں پاکستان تحریک انصاف (پی ٹی آئی) کے علی حسین خان 62 ہزار 903 ووٹ لے کر دوسرے نمبر پر رہے۔

اسی طرح کالعدم تحریک لبیک پاکستان (ٹی ایل پی) 5 ہزار 782 ووٹ حاصل کرکے انتخاب میں حصہ لینے والی سیاسی جماعتوں میں تیسرے نمبر پر رہی جبکہ پاکستان پیپلز پارٹی (پی پی پی) محض 235 ووٹ ہی حاصل کرسکی۔

فارم 47 کے تحت جاری کردہ غیر حتمی نتیجے کے مطابق حلقے میں ووٹرز کی مجموعی تعداد 2 لاکھ 92 ہزار 687 ہے جس میں سے ایک لاکھ 55 ہزار 89 نے اپنا حقِ رائے دہی استعمال کیا۔

یوں صوبائی اسمبلی کے اس حلقے میں ووٹنگ ٹرن آؤٹ 52.99 فیصد رہا جس میں سے 2 ہزار 792 ووٹس مسترد ہوگئے۔

سال 2018 میں ہونے والے عام انتخابات میں مذکورہ نشست پر مسلم لیگ (ن) کے رکن محمد وارث شاد 66 ہزار 775 ووٹس لے کر کامیاب ہوئے تھے.

تاہم ان کے رواں برس مارچ کے دوران ان کے کورونا وائرس سے انتقال کرجانے باعث صوبائی اسمبلی کی یہ نشست خالی ہوگئی تھی جس پر گزشتہ روز ضمنی انتخاب ہوا۔

ضمنی انتخاب میں مسلم لیگ (ن) کی کامیابی پر پارٹی کے صدر اور قومی اسمبلی کے قائد حزب اختلاف شہباز شریف نے کہا کہ عوام نے آٹا چینی چوروں کو مسترد کردیا ہے، الحمداللہ یہ عوام کی طرف سے اس خدمت کا بھی اعتراف ہے جو مسلم لیگ (ن) نے اپنے دور میں کی تھی۔

دوسری جانب ایک پیغام میں مریم نواز کا کہنا تھا کہ ‘نوازشریف کو مائنس کرنے والو! دیکھو اللہ کے کام! صرف نوازشریف رہ گیا ہے باقی سب مائنس ہوچکے ہیں’۔

ایک اور پیغام میں انہوں نے کہا کہ خوشاب کے غیور عوام کا بہت بہت شکریہ، ایک کلو چینی کے لیے دربدر کی ٹھوکریں آپ کا مقدر نہیں ہو سکتیں، مسلم لیگ(ن) انشا اللہ قوم کو اچھے دن لوٹائے گی!

Get real time updates directly on you device, subscribe now.

جواب چھوڑیں

آپ کا ای میل ایڈریس شائع نہیں کیا جائے گا.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy