ترین گروپ کا عید کے بعد لائحہ عمل طے کرنے کا فیصلہ

وزیراعظم کے نامزد کردہ سینیٹر علی ظفر ایڈوکیٹ کی تحقیقات کا انتظار کیا جائے گا

0 3

Get real time updates directly on you device, subscribe now.

پی ٹی آئی کے جہانگیر ترین گروپ نے عید تک خاموشی اور عید کے بعد صورتحال کے تناظر میں لائحہ عمل طے کرنے کا فیصلہ کر لیا ہے۔

جہانگیر ترین گروپ کے ارکان پارلیمنٹ نے مشاورت کے بعد فیصلہ کیا ہے کہ وزیراعظم کے نامزد کردہ سینیٹر علی ظفر ایڈوکیٹ کی تحقیقات کا انتظار کیا جائے گا، عید کے بعد ٹکٹ ہولڈرز اور ارکان پارلیمنٹ سے مشاورت کی جائے۔

ذرائع کا کہنا ہے کہ مزید چار ارکان قومی اسمبلی کا جہانگیرترین سے رابطہ ہوا ہے ۔

دوسری جانب ذرائع کا کہنا ہے کہ علی ظفر ایڈووکیٹ کی ترین گروپ کے وکلاء اور اکاؤنٹنٹ سے ملاقات ہوئی ہے جس میں انہوں نے کیس سے متعلق جہانگیر ترین کی ٹیم کا موقف سن لیا ہے۔

ذرائع کے مطابق علی ظفر ایڈووکیٹ ایف آئی اے اور پراسیکیوشن ٹیم سے بھی ملاقات کا ایک دور کرچکے ہیں،اب تک علی ظفر ایڈووکیٹ نے چار میٹنگز کی ہیں ۔

سینیٹر علی ظفر ایڈووکیٹ کاکہنا ہے کہ مئی کے آخر تک وزیراعظم عمران خان کو رپورٹ پیش کردی جائے گی۔

واضح رہے کہ  پی ٹی آئی رہنما جہانگیر ترین اور ان کے صاحبزادے علی ترین کی عبوری درخواست ضمانت پر آج ہوئی سماعت میں عدالت نے دونوں رہنماؤں کی تفتیش جلد مکمل کرنے کا حکم دیتے ہوئے ضمانت میں 19 مئی تک توسیع کردی ہے۔

Get real time updates directly on you device, subscribe now.

جواب چھوڑیں

آپ کا ای میل ایڈریس شائع نہیں کیا جائے گا.

Comment moderation is enabled. Your comment may take some time to appear.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy