fbpx
پاکستان سیاست

پی پی پی کے شوکت بسرا پی ٹی آئی میں ضم ہو گئے

پاکستان پیپلز پارٹی (پی پی پی) کے سینئر رہنما شوکت بسرا نے حکمران جماعت پاکستان تحریک انصاف (پی ٹی آئی) میں شمولیت کا اعلان کردیا۔

سابق رکن صوبائی اسمبلی شوکت بسرا پی ٹی آئی کے سینئر رہنما جہانگیر خان ترین کے کہنے پر وزیرِ اعظم عمران خان سے ملاقات کے لیے ان کی رہائش گاہ پہنچے۔

ملاقات کے دوران پی ٹی آئی کے سینئر رہنما جہانگیر خان ترین بھی موجود تھے۔

شوکت بسرا نے وزیرِ اعظم عمران خان سے ملاقات کے بعد باقاعدہ طور پر تحریک انصاف میں شمولیت کا اعلان کیا۔

ذرائع کا کہنا ہے کہ جہانگیر ترین نے پہلے پیپلز پارٹی پنجاب کے سینئر رہنما و سابق ایم پی اے شوکت بسرا سے ملاقات کی تھی۔

جہانگیر ترین کی دعوت پر سابق رکن صوبائی اسمبلی نے تحریک انصاف میں شمولیت کی حامی بھری تھی۔

خیال رہے کہ رواں برس جولائی میں ہونے والے عام انتخابات سے قبل پاکستان کی مختلف سیاسی جماعتوں کے رہنما پی ٹی آئی میں شامل ہوگئے تھے۔

عام انتخابات میں بھاری اکثریت سے کامیاب ہونے کے بعد آزاد اراکین کی بڑی تعداد نے تحریک انصاف کا رخ کر لیا۔

آزاد اراکین کو اپنی جماعت اور حکومت کا حصہ بنانے میں جہانگیر ترین نے ہی اہم کردار ادا کیا تھا۔

جہانگیر ترین ان اراکین کو عمران خان سے ملاقات کروانے کے لیے اپنے نجی طیارے کی مدد سے بنی گالا پہنچاتے رہے۔


پاک ایشیاء ایک غیر منافع بخش ادارہ ہے۔ ہماری صحافت کو سرکاری اور کارپوریٹ دباؤ سے آزاد رکھنے کے لیے مالی تعاون کیجیے نیز اس خبر کے حوالے سے اپنی آراء کا اظہار کمنٹس میں کریں اور شیئر کر کے ہماری حوصلہ افزائی کریں

About the author

عدیل رحمان (معاون مُدیر)

عدیل رحمان پاک ایشیاء میں بطور معاون مُدیر کے طور پر اپنی خدمات ادا کر رہے ہیں- یہ پاک ایشیاء کے ابتدائی ساتھیوں میں سے ایک ہیں اور انتہائی جانفشانی سے کام کرتے ہیں اللہ تعالیٰ نے انہیں منفرد تخلیقی صلاحیتوں سے نوازا ہے جس کا اظہار اکثر اُن کی خبروں کی سُرخیوں سے بھی لگایا جا سکتا ہے۔

Add Comment

Click here to post a comment

This site uses Akismet to reduce spam. Learn how your comment data is processed.

WordPress Video Lightbox Plugin