fbpx
پاکستان سیاست

میرے تبصرے کو سکھ جذبات سے جوڑنا گمراہ کن ہے، شاہ محمود قریشی

وزیر خارجہ شاہ محمود قریشی نے کہا ہے کہ میں نے بھارتی حکومت کے ساتھ دو طرفہ رابطوں کے حوالے سے بات کی، تبصرے کو سکھ جذبات سے جوڑنا گمراہ کن، کرتارپور فیصلے پر اچھی نیت سے عملدرآمد ہو گا۔

وزیر خارجہ شاہ محمود قریشی کا اپنی بھارتی ہم منصب سشما سراج کے ٹویٹ پر جواب دیتے ہوئے کہنا ہے کہ میرے تبصرے کو سکھ جذبات سے جوڑنے کا مقصد جان بوجھ کر گمراہ کرنا ہے، میں نے بھارتی حکومت کے ساتھ دو طرفہ رابطوں کے حوالے سے بات کی تھی۔

وزیر خارجہ نے لکھا کہ ہم سکھ جذبات کا بے حد احترام کرتے ہیں، حقائق توڑ مروڑ کر پیش کرنے یا تنازعات پیدا کرنے سے ان میں تبدیلی نہیں آ سکتی۔

وزیر خارجہ شاہ محمود قریشی کا کہنا تھا کہ سکھ بھائیوں کی خواہشات کے پیش نظر کرتارپور راہداری کھولنے کا فیصلہ کیا، یہ تاریخی فیصلہ نیک نیتی سے کیا گیا، اس فیصلے پر اچھی نیت سے عملدرآمد ہوگا۔

اس سے قبل گزشتہ روز اپنے بیان میں وزیر خارجہ شاہ محمود قریشی نے کہا تھا کہ پاکستان کو سیکولر بنانے سے متعلق بھارتی آرمی چیف کا بے معنی بیان مسترد کرتے ہیں، نظریہ تبدیل نہیں ہو سکتا، سرحدوں پر امن چاہتے ہیں، کرتارپور راہداری سے پاکستان نے خیر سگالی کا پیغام دیا۔

انہوں نے کہا کہ صرف پاکستان اور بھارت میں ہی نہیں امریکا، کینیڈا اور برطانیہ جہاں بھی چلے جائیں سب نے ہمارے اس اقدام کو سراہا ہے۔


پاک ایشیاء ایک غیر منافع بخش ادارہ ہے۔ ہماری صحافت کو سرکاری اور کارپوریٹ دباؤ سے آزاد رکھنے کے لیے مالی تعاون کیجیے نیز اس خبر کے حوالے سے اپنی آراء کا اظہار کمنٹس میں کریں اور شیئر کر کے ہماری حوصلہ افزائی کریں

About the author

عدیل رحمان (معاون مُدیر)

عدیل رحمان پاک ایشیاء میں بطور معاون مُدیر کے طور پر اپنی خدمات ادا کر رہے ہیں- یہ پاک ایشیاء کے ابتدائی ساتھیوں میں سے ایک ہیں اور انتہائی جانفشانی سے کام کرتے ہیں اللہ تعالیٰ نے انہیں منفرد تخلیقی صلاحیتوں سے نوازا ہے جس کا اظہار اکثر اُن کی خبروں کی سُرخیوں سے بھی لگایا جا سکتا ہے۔

Add Comment

Click here to post a comment

This site uses Akismet to reduce spam. Learn how your comment data is processed.




From Google