کرکٹ کھیل

ٹی ٹین لیگ: پختونز، ناردرن ویریئرز فائنل میں

شاہد آفریدی کی شاندار کارکردگی کے باعث پختونز نے ٹی ٹین لیگ کے فائنل میں جگہ بنا دی جبکہ ناردرن ویریئرز نے میراٹھا عربینز کو شکست دے کر فائنل کے لیے کوالیفائی کرلیا۔

شارجہ میں ٹی ٹین لیگ کے فائنل کے لیے کوالیفائر فائنل میچ پختونز اور ناردرن ویریئرز کے درمیان ہوا جہاں ناردرن ویریئرز نے ٹاس جیت کر پختونز کو پہلے بیٹنگ کی دعوت دی۔

پختونز کی جانب سے آندرے فلیچر اور کیمرون ڈیل پورٹ نے مایوس کن آغاز کیا تاہم کپتان شاہد آفریدی نے بہترین اننگز سے ٹیم کی جیت کی بنیاد رکھی۔

فلیچر صرف 5 رنز بنا کر آؤٹ ہوئے، 45 رنز پر فلیچر بھی 14 رنز بنا کر آؤٹ ہوئے تاہم شفیق اللہ نے 10 گیندوں پر 22 رنز بنا کر ٹیم کو سہارا دیا تاہم کولن انگرزم 11 رنز بنا کر آوٹ ہونے والے تیسرے بلے باز تھے۔

شفیق اللہ کے بعد آخری آؤٹ ہونے والے بلے باز لیام ڈاؤسن تھے جنہوں نے 2 چھکوں کی مدد سے 15 رنز بنائے۔

کپتان شاہد آفریدی مشکل وقت میں جارحانہ بیٹنگ سے ٹیم کو جیت کی راہ پر گامزن کردیا اور صرف 17 گیندوں پر 3 چوکوں اور 7 چھکوں کی مدد سے ناقابل شکست 59 رنز بنائے۔

ناردرن کی جانب سے ولجوئین نے سب سے زیادہ 3 وکٹیں حاصل کیں۔

ہدف کے تعاقب میں ناردرن ویریئرز نے ویسٹ انڈیز سے تعلق رکھنے والے ریون رسل کی جارحانہ بلے بازی کی مدد سے اچھی کارکردگی دکھائی لیکن میچ میں کامیابی حاصل نہ کرسکی۔

لینڈل سمنز نے 24 رنز بنائے ان کے علاوہ کوئی اور بلے باز پاول کا ساتھ نہ دے سکے اور دوہرے ہندسے کو بھی عبور نہ کرپائے۔

پاول نے 35 گیندوں پر 4 چوکوں اور 9 چھکوں کی مدد سے 80 رنز بنائے۔

ناردرن ویریئرز نے مقررہ 10 اوورز میں 4 وکٹوں پر 122 رنز بنائے اور میچ میں 13 رنز سے شکست ہوئی

شاہد آفریدی کو اچھی کارکردگی پر میچ کا بہترین کھلاڑی قرار دیا گیا۔

ناردرن ویریئرز کی عربینز کو شکست

ناردرن ویریئرز نے پختونز سے شکست کا بدلہ میراٹھا عربینز کو 10 وکٹوں سے شکست دے کر لیا اور فائنل میں جگہ بنالی جہاں دونوں ٹیمیں ایک مرتبہ پھر آمنے سامنے ہوں گی۔

ناردرن ویریئرز نے ٹاس جیت کر میراٹھا عربینز کو پہلے بیٹنگ کی دعوت دی اور بہترین باؤلنگ سے اس فیسلے ک ودرست ثابت کردیا۔

ڈوون براوو صرف 13 رنز بنا کر نمایاں بلے باز رہے جبکہ کامران اکمل، زمبابوے کے برینڈن ٹیلر، الیکس ہیلز اور نجیب اللہ زدران سمیت دیگر بڑے بلے باز دوہرے ہندسے کو بھی عبور نہ کرپائے۔

عربینز نے مقررہ اوورز میں 8 وکٹوں پر 72 رنز بنائے۔

ولجوئین نے سب سے زیادہ 3 وکٹیں حاصل کیں، وہاب ریاض اور آندرے رسل نے 2،2 کھلاڑیوں کو آؤٹ کیا۔

ناردرن ویریئرز نے لینڈل سیمنز اور پوران کی شاندار بلے بازی کی بدولت مطلوبہ ہدف صرف 5 اوورز میں حاصل کرلیا۔

شاندار بلے بازی کی بدولت ناردرن ویریئرز نے میچ 10 وکٹوں سے جیت کر فائنل کے لیے کوالیفائی کرلیا جہاں ان کا مقابلہ ایک مرتبہ پھر پختونز سے ہوگا۔

سمنز 4 چوکوں اور 2 چھکوں کی مدد سے 31 اور پوران نے 5 چوکوں اور 3 چھکوں کی مدد سے 43 رنز بنائے۔

ولجوئین کو میچ کا بہترین کھلاڑی قرار دیا گیا۔

ٹی ٹین لیگ کا فائنل پختونز اور ناردرن ویریئرز کے درمیان اتوار کو شارجہ میں کھیلا جائے گا جبکہ تیسرے نمبر کے لیے میچ میں بنگال ٹائیگرز کا مقابلہ میراٹھا عربینز سے ہوگا۔


پاک ایشیاء ایک غیر منافع بخش ادارہ ہے۔ ہماری صحافت کو سرکاری اور کارپوریٹ دباؤ سے آزاد رکھنے کے لیے مالی تعاون کیجیے نیز اس خبر کے حوالے سے اپنی آراء کا اظہار کمنٹس میں کریں اور شیئر کر کے ہماری حوصلہ افزائی کریں

Tags

About the author

عدیل رحمان (معاون مُدیر)

عدیل رحمان پاک ایشیاء میں بطور معاون مُدیر کے طور پر اپنی خدمات ادا کر رہے ہیں- یہ پاک ایشیاء کے ابتدائی ساتھیوں میں سے ایک ہیں اور انتہائی جانفشانی سے کام کرتے ہیں اللہ تعالیٰ نے انہیں منفرد تخلیقی صلاحیتوں سے نوازا ہے جس کا اظہار اکثر اُن کی خبروں کی سُرخیوں سے بھی لگایا جا سکتا ہے۔

Add Comment

Click here to post a comment

This site uses Akismet to reduce spam. Learn how your comment data is processed.