fbpx
پاکستان سیاست

عمران خان کے 100دن ” 100 یو ٹرن” : بلاول بھٹو

 پاکستان پیپلز پارٹی کے چیئرمین بلاول بھٹو زرداری نے حکومت کے سو روز مکمل ہونے پر اسے سخت تنقید کا نشانہ بنایا ہے۔

حکومت کے سو روز مکمل ہونے پر چیئرمین پیپلز پارٹی بلاول بھٹو کا ٹویٹ آیا ہے جس میں انہوں نے حکومتی سو روز کو یوٹرن قرار دے دیا ہے، انہوں تصویر کے ذریعے تنقید کرتے ہوئے لکھا کہ ہم سو دن میں یوٹرن لینے میں مصروف تھے۔دوسری جانب ترجمان چیئرمین پیپلز پارٹی کی جانب سے ردعمل میں کہا گیا ہے کہ وزیراعظم کا حکومت کے سو دن مکمل ہونے پر خطاب غیر متاثر کن تھا، سو دن حکومت میں رہنے کے بعد بھی عمران خان کے پاس بتانے کو کچھ نہیں تھا۔پیپلز پارٹی ترجمان نے کہا کہ نیا پاکستان کا خواب دکھانے والے نے سو دنوں میں سفید پوش طبقے کی کمر توڑ کر رکھ دی، پہلے سو دنوں میں عوام کو مہنگائی کے سونامی میں ڈبو دیا گیا

ترجمان نے کہا کہ بجلی، گیس اور پٹرول کی قیمتوں میں غیر معمولی اضافے نے عوام کو پریشان کر کے رکھ دیا ہے، پولیس اور بیوروکریسی میں سیاسی مداخلت نے تبدیلی کے دعویداروں کو بے نقاب کر دیا ہے۔ان کا کہنا تھا کہ عمران خان نے خارجہ پالیسی کا مرکز و محور کشکول کو بنا دیا ہے، سو دنوں میں صرف کمیٹیوں کے اوپر کمیٹیاں، پھر ان کے اوپر کمیٹیاں بنائی گئیں۔بلاول بھٹو کے ترجمان کی جانب سے جاری بیان میں کہا گیا کہ وزیراعظم احتساب کی بات کرنے سے قبل کم سے کم اپنے سامنے بیٹھے ساتھیوں پر نظر ڈال لیتے، اور نہیں تو خان صاحب اپنے ان مالی سہولت کاروں کو ہی نیب کے حوالے کریں جن کی بیرون ملک جائیدادیں ہیں۔

پاک ایشیاء ایک غیر منافع بخش ادارہ ہے۔ ہماری صحافت کو سرکاری اور کارپوریٹ دباؤ سے آزاد رکھنے کے لیے مالی تعاون کیجیے نیز اس خبر کے حوالے سے اپنی آراء کا اظہار کمنٹس میں کریں اور شیئر کر کے ہماری حوصلہ افزائی کریں

About the author

عدیل رحمان (معاون مُدیر)

عدیل رحمان پاک ایشیاء میں بطور معاون مُدیر کے طور پر اپنی خدمات ادا کر رہے ہیں- یہ پاک ایشیاء کے ابتدائی ساتھیوں میں سے ایک ہیں اور انتہائی جانفشانی سے کام کرتے ہیں اللہ تعالیٰ نے انہیں منفرد تخلیقی صلاحیتوں سے نوازا ہے جس کا اظہار اکثر اُن کی خبروں کی سُرخیوں سے بھی لگایا جا سکتا ہے۔

Add Comment

Click here to post a comment

This site uses Akismet to reduce spam. Learn how your comment data is processed.

WordPress Video Lightbox Plugin