fbpx
سیاست مزید موسم

موسم کی خرابی، وزیراعظم کے طیارے کو اسلام آباد اترنے کی اجازت نہ مل سکی

اسلام آباد کراچی سے واپسی پر خراب موسم کے باعث عمران خان کے طیارے کو نورخان ایئرپورٹ پر اترنے کی اجازت نہ ملی جس کے بعد اس کا رخ پشاور ایئرپورٹ کی جانب موڑ دیا گیا۔

ذرائع کے مطابق کراچی کا ایک روزہ دورہ مکمل کرنے کے بعد وزیراعظم اسلام آباد کی جانب روانہ ہوئے تو دھند کے باعث ان کے طیارے کو اترنے سے روک دیا گیا۔

وزیراعظم کے طیارے نے ایئرپورٹ کا دو مرتبہ چکر لگایا مگر اجازت نہ مل سکی جس کے بعد اسے پشاور کی جانب روانہ کر دیا گیا۔

شاہ محمود قریشی، عثمان ڈار اور گورنر خیبرپختونخوا بھی وزیراعظم کے ہمراہ تھے۔

طیارے کے پشاور ایئرپورٹ پر پہنچنے کی اطلاع ملنے پر عملے کی دوڑیں لگ گئیں، گیارہ بجے کے بعد طیارہ باچا خان ایئرپورٹ پر اتر گیا۔

یاد رہے کہ عمران خان آج کراچی پہنچے تھے جہاں انہوں نے تاجروں اور جماعت کے رہنماؤں سے ملاقات کی۔

انہوں نے پاکستان اسٹاک ایکسچینج کی تقسیم انعامات کی تقریب سے خطاب کیا جس میں ان کا کہنا تھا کہ  نیب کو صرف پبلک آفس رکھنے والے افراد کی جانچ پڑتال کرنی چاہیئے، تاجروں کے لیے یہ رکاوٹ اب دور ہو گئی ہے۔

انہوں نے کہا کہ وہ 2023 تک سب کو یاد دلاتے رہیں گے کہ انہیں کن حالات میں حکومت ملی تھی، وہ گزشتہ حکومتوں کے کارنامے بتاتے رہیں گے۔

وزیراعظم نے بتایا کہ جب ان کی حکومت آئی تو ملک پر 30 ہزار روپے کا قرض تھا، وہ اگلے الیکشن تک اپنی کارکردگی بتاتے رہیں گے۔


اس خبر کے حوالے سے اپنی آراء کا اظہار کمنٹس میں کریں


لائیو ٹی وی نشریات دیکھنے کے لیے ویب سائٹ پر ”لائیو ٹی وی“ کے آپشن یا یہاں کلک کریں

About the author

ویب ڈیسک

ہمارا ویب ڈیسک پاکستان اور ایشیاء سمیت دُنیا بھر میں رُونما ہونے والے حالات و واقعات پر گہری نظر رکھتا ہے اور آپ کو باخبر رکھنے کے لیے خبروں کا انتخاب کر کے انہیں موزوں پیرائے اور اسلوب میں ڈھال کر آپ کے پیشِ نظر کرتا ہے۔

Add Comment

Click here to post a comment

This site uses Akismet to reduce spam. Learn how your comment data is processed.