fbpx




From Google

اعزاز دنیا

’کلاشنکوف‘ کو پیدا ہوئے آج 100 سال ہو گئے

روس میں دنیا کے مشہور ترین ہتھیار کلاشنکوف کے خالق مخیل کلاشنکوف کی آج (اتوار) 100 ویں سالگرہ منائی جا رہی ہے۔

اس موقعے پر روسی فوج کے نوجوان کیڈٹ اور شہریوں نے مغربی ماسکو میں قائم وکٹری میوزیم کا دورہ کیا اور  ہتھیاروں کے ساتھ سیلفیاں بنائیں۔

خبررساں ادارے اے ایف پی کے مطابق مخیل کی 100 ویں سالگرہ کے موقعے پر کئی تقاریب کا اہتمام کیا گیا۔

2013 میں 94 برس کی عمر میں وفات پانے والے روسی فوج کے انجینیئر مخیل کلاشنکوف کو روس میں قومی ہیرو کے طور پر دیکھا جاتا ہے۔

ایک جگہ پر شہریوں کو کلاشنکوف کے موجد کے حالاتِ زندگی پر مبنی فلم دکھائی گئی۔

2013 میں 94 برس کی عمر میں وفات پانے والے روسی فوج کے انجینیئرکو قومی ہیرو اور ملک کے قابل فخر فوجی کے طور پر دیکھا جاتا ہے۔

ان کی بنائی ہوئی اسالٹ رائفل کلاشنکوف دنیا بھر میں چھاپہ ماروں اور حکومتوں میں یکساں مقبول ہے۔

روسی فوج کے کیڈٹ میکسم نےکہا کہ انہوں نے اپنے سکول کے زمانے میں کلاشنکوف کو کھولنا اور جوڑنا سیکھا۔ انہوں نے اے ایف پی کو بتایا:’آغاز میں آپ کو انگلیوں میں تکلیف محسوس ہوتی ہے لیکن اس کے بعد تمام عمل آسان ہوجاتا ہے۔‘


پاک ایشیاء ایک غیر منافع بخش ادارہ ہے۔ ہماری صحافت کو سرکاری اور کارپوریٹ دباؤ سے آزاد رکھنے کے لیے  مالی تعاون کیجیے نیز اس خبر کے حوالے سے اپنی آراء کا اظہار کمنٹس میں کریں اور شیئر کر کے ہماری حوصلہ افزائی کریں