fbpx
پاکستان تازہ خبر

پاکستان نےکلبھوشن کو قونصلررسائی دیدی،انڈین ڈپٹی ہائی کمشنرسےملاقات

 انڈین ڈپٹی ہائی کمشنر گورو آہلووالیا کی دہشتگردی اور دیگر جرائم میں ملوث بھارتی جاسوس کلبھوشن یادیو سے ملاقات ختم ہو گئی۔ پاکستان نے ویانا کنونشن اور عالمی عدالت انصاف کے فیصلے کا احترام کرتے ہوئے کلبھوشن یادیو کو قونصلر رسائی دی۔

یاد رہے گزشتہ روز ترجمان دفتر خارجہ ڈاکٹر فیصل نے بھارتی بحریہ کے حاضر سروس جاسوس کمانڈر کلبھوشن یادیو کو قونصلر رسائی فراہم کرنے کا اعلان کیا تھا۔ یہ رسائی عالمی عدالت انصاف کے فیصلے، پاکستانی قوانین اور ویانا کنونشن کے قونسلر تعلقات کے تحت فراہم کی جا رہی ہے۔

ترجمان کا اپنے ٹویٹ میں کہنا تھا کمانڈر کلبوشن یادیو پاکستان میں جاسوسی اور دہشتگردی میں ملوث ہونے پر حراست میں ہے۔
قونصلر رسائی سے متعلق دفتر خارجہ کے جاری اعلامیے میں کہا گیا ہے کہ کلبھوشن یادیو کی بھارتی ناظم الامور سے ملاقات کا دورانیہ دو گھنٹے پر محیط تھا۔

اعلامیہ میں کہا گیا کہ یہ ملاقات دوپہر بارہ بجے شروع ہوئی اور دو بجے تک جاری رہی۔ بھارتی درخواست پر پاکستان نے بات چیت کی زبان پر قدغن نہیں لگائی جبکہ معاملے کو شفاف بنانے کے لیے کلبھوشن یادیو کی ملاقات ریکارڈ کی گئی۔

ملاقات کو ریکارڈ کیے جانے کے حوالے سے بھارت کو پہلے آگاہ کیا گیا تھا۔ ترجمان کا کہنا تھا کہ بھارتی ناظم الامور نے ویانا کنونشن کی روشنی میں بھارتی جاسوس کلبھوشن یادیو سے ملاقات کی۔

واضح رہے کہ 17 جولائی کو عالمی عدالت انصاف نے کلبھوشن یادیو کی بریت اور بھارت کے حوالے کرنے سے متعلق بھارتی درخواست مسترد کر دی تھی، تاہم کلبھوشن یادیو کو قونصلر رسائی فراہم کرنے کا فیصلہ سنایا تھا۔


About the author

عدیل رحمان (معاون مُدیر)

عدیل رحمان پاک ایشیاء میں بطور معاون مُدیر کے طور پر اپنی خدمات ادا کر رہے ہیں- یہ پاک ایشیاء کے ابتدائی ساتھیوں میں سے ایک ہیں اور انتہائی جانفشانی سے کام کرتے ہیں اللہ تعالیٰ نے انہیں منفرد تخلیقی صلاحیتوں سے نوازا ہے جس کا اظہار اکثر اُن کی خبروں کی سُرخیوں سے بھی لگایا جا سکتا ہے۔

Add Comment

Click here to post a comment

This site uses Akismet to reduce spam. Learn how your comment data is processed.




From Google